National Police Academyకు చెందిన ఆర్‌.ఆర్‌. 77వ బ్యాచ్ ట్రైనీ ఐపీఎస్ అధికారులు, అలాగే Telangana Police Academyకు చెందిన గ్రూప్-I ట్రైనీ డిప్యూటీ సూపరింటెండెంట్స్ ఆఫ్ పోలీస్‌లు తమ ఫీల్డ్ ట్రైనింగ్ కార్యక్రమంలో భాగంగా Cherlapalli Central Jailను సందర్శించారు.

ఈ సందర్భంగా డైరెక్టర్ జనరల్ ఆఫ్ ప్రిజన్స్ & కారెక్షనల్ సర్వీసెస్ Soumya Mishra ట్రైనీ అధికారులకు జైలు పరిపాలన, ఖైదీల సంస్కరణ కోసం చేపడుతున్న చర్యలపై సమగ్ర అవగాహన కల్పించారు. ముఖ్యంగా “నివృత్తి” కార్యక్రమం కింద సెంట్రల్ జైళ్లలో మరియు మహిళా ప్రత్యేక జైలులో డీ-అడిక్షన్ సెంటర్ల ఏర్పాటు గురించి వివరించారు జైళ్లు కేవలం శిక్ష విధించే కేంద్రాలు కాకుండా, వ్యక్తులను మారుస్తూ సమాజంలో బాధ్యతగల పౌరులుగా. తిరిగి చేర్చే కారెక్షనల్ వ్యవస్థలుగా మారుతున్నాయని ఆమె పేర్కొన్నారు. “Custody with Care” మరియు “Transforming Lives” అనే లక్ష్యాలతో ప్రిజన్స్ శాఖ పనిచేస్తోందని తెలిపారు.

జైలు శాఖ పరిపాలన, సంక్షేమ కార్యక్రమాలు మరియు ఆధునిక చర్యలపై ఇన్‌స్పెక్టర్ జనరల్ ఆఫ్ ప్రిజన్స్ N. Murali Babu విస్తృత ప్రెజెంటేషన్ ఇచ్చారు.

సందర్శనలో భాగంగా ట్రైనీ అధికారులు జైలు పరిధిలోని సంజీవని ఆసుపత్రి, ప్రిజన్ ఇండస్ట్రీ యూనిట్లు, అన్నపూర్ణ వంటశాల, గ్రంథాలయం, ఖైదీల బారక్కులు వంటి విభాగాలను పరిశీలించారు. అదనంగా చెర్లపల్లి ఖైదీల వ్యవసాయ కాలనీని సందర్శించి, కోళ్ల పెంపకం, పాడి పశుసంవర్ధక, మత్స్యకార్యం, వ్యవసాయం వంటి కార్యకలాపాలను ప్రత్యక్షంగా చూశారు.

సంగారెడ్డి జిల్లాలో ‘రౌడీ మేళా’.. సత్ప్రవర్తనతో ఉంటే హిస్టరీ షీట్లు క్లోజ్: అదనపు ఎస్పీ చైతన్య రెడ్డి

సందర్శన అనంతరం డీబ్రీఫింగ్ సమావేశంలో ట్రైనీల సందేహాలకు అధికారులు సమాధానాలు ఇచ్చారు. ఈ పర్యటన ట్రైనీ అధికారులకు జైలు వ్యవస్థపై లోతైన అవగాహన కల్పించిందని పేర్కొన్నారు.

ఈ కార్యక్రమంలో డీఐజీ ప్రిజన్స్ డి. శ్రీనివాస్, చెర్లపల్లి సెంట్రల్ జైలు సూపరింటెండెంట్ జి. ప్రమోద్, వ్యవసాయ కాలనీ సూపరింటెండెంట్ డి. భరత్, మరియు ఇతర అధికారులు పాల్గొన్నారు।