సంగారెడ్డి: 4వ తెలంగాణ రాష్ట్ర పోలీస్ స్పోర్ట్స్ మీట్లో సంగారెడ్డి జిల్లా పోలీస్ సిబ్బంది విశిష్ట ప్రతిభ కనబరిచి మొత్తం 6 పతకాలు సాధించారు. మూడో రోజు ముగిసే సరికి జిల్లా పోలీస్ జట్టు ఈ పతకాలను కైవసం చేసుకుని జిల్లాకు గౌరవాన్ని తీసుకువచ్చింది.
పతకాలు సాధించిన క్రీడాకారుల వివరాలు:
- సంతోష్ కుమార్ – సిల్వర్ మెడల్
- ఎల్. చంద్రశేఖర్ (AR PC) – సిల్వర్ మెడల్
- డి. మధు (AR PC) – సిల్వర్ మెడల్
- దేవి సింగ్ (AR PC) – బ్రాంజ్ మెడల్
- ఎల్. రవీందర్ (AR PC) – బ్రాంజ్ మెడల్
- కె. శ్రావ్య (AR PC) – బ్రాంజ్ మెడల్
విజేతలకు అభినందనలు తెలిపిన జిల్లా ఎస్పీ
ఈ సందర్భంగా జిల్లా ఎస్పీ పరితోష్ పంకజ్ విజేత క్రీడాకారులను అభినందించారు. క్రీడా పోటీల్లో విజయం సాధించడం ద్వారా శారీరక దృఢత్వం, క్రమశిక్షణ, జట్టు భావన మరింత పెరుగుతాయని పేర్కొన్నారు.
రాష్ట్ర స్థాయి పోటీల్లో ప్రతిభ కనబరిచిన క్రీడాకారులు భవిష్యత్తులో జాతీయ స్థాయిలో కూడా మెరుగైన ఫలితాలు సాధించాలని ఆకాంక్షించారు.
వివిధ క్రీడా విభాగాల్లో పోటీ పడి తమ ప్రతిభను చాటిన క్రీడాకారులు సంగారెడ్డి జిల్లాకు గౌరవాన్ని తీసుకువచ్చారని, జిల్లా పోలీస్ శాఖ తరఫున విజేతలకు శుభాకాంక్షలు తెలిపారు.
