హైదరాబాద్, అక్టోబర్ 24, 2026: డ్రైవింగ్ చేస్తూ సెల్ఫోన్ మాట్లాడే వాహనదారులపై కుల్సుంపూరా ట్రాఫిక్ పోలీసులు ప్రత్యేక తనిఖీలు నిర్వహించారు. ఉన్నతాధికారుల ఆదేశాల మేరకు, గోల్కొండ జోన్ ఏసీపీ శ్రీమతి ధనలక్ష్మి పర్యవేక్షణలో శనివారం రేతిబౌలి జంక్షన్ వద్ద ఈ స్పెషల్ డ్రైవ్ చేపట్టారు.
ఈ తనిఖీల్లో భాగంగా వాహనాలు నడుపుతూ సెల్ఫోన్ ఉపయోగిస్తున్న 40 మంది వాహనదారులపై పోలీసులు కేసులు నమోదు చేశారు. అనంతరం వారికి రోడ్డు భద్రత, ట్రాఫిక్ నిబంధనలపై అవగాహన కల్పిస్తూ కౌన్సెలింగ్ నిర్వహించారు.
డ్రైవింగ్ సమయంలో సెల్ఫోన్ మాట్లాడటం వల్ల వాహనదారుల దృష్టి మరలిపోయి రోడ్డు ప్రమాదాలు జరిగే ప్రమాదం ఉందని పోలీసు అధికారులు హెచ్చరించారు. వాహనదారులు తమ భద్రతతో పాటు ప్రయాణికులు, ఇతర వాహనదారుల ప్రాణాల రక్షణను దృష్టిలో ఉంచుకుని ట్రాఫిక్ నిబంధనలను తప్పనిసరిగా పాటించాలని విజ్ఞప్తి చేశారు.
ఈ ప్రత్యేక తనిఖీల్లో కుల్సుంపూరా ట్రాఫిక్ పోలీస్ స్టేషన్ ఇన్‌స్పెక్టర్ (ఎస్‌హెచ్‌ఓ) కె. రాజేంద్రప్రసాద్‌తో పాటు ట్రాఫిక్ పోలీస్ స్టేషన్ సిబ్బంది పాల్గొన్నారు.