19 పతకాలతో జిల్లా ప్రతిష్టను నిలబెట్టిన సిబ్బంది – ఎస్పీ డా. శబరీష్ అభినందనలు
మహబూబాబాద్: హైదరాబాద్లో నిర్వహించిన Telangana Police Sports and Games Meet 2026లో మహబూబాబాద్ జిల్లా పోలీస్ సిబ్బంది విశేష ప్రతిభ కనబరచి మొత్తం 19 పతకాలు సాధించారు. ఈ సందర్భంగా జిల్లా పోలీస్ కార్యాలయంలో ఎస్పీ డా. శబరీష్ విజేతలను ఘనంగా సత్కరించారు. శాలువాలు కప్పి ప్రశంసాపత్రాలు అందజేసి వారి ప్రతిభను కొనియాడారు.
పతక విజేతలు
- ఎం. శ్రీనివాస్, డిఎస్పీ (ఏఆర్) – లాన్ టెన్నిస్ టీమ్ ఈవెంట్ – స్వర్ణ పతకం
- విజయ్ ప్రతాప్, డిఎస్పీ (ఏఆర్) – లాన్ టెన్నిస్ టీమ్ ఈవెంట్ – స్వర్ణ పతకం
- ఎం. లింగన్న, పీసీ – 42 కి.మీ ఫుల్ మారథాన్ – స్వర్ణ పతకం; క్రాస్ కంట్రీ ఇండివిడ్యువల్ – రజత పతకం
- బి. గణేష్, ఏఆర్పీసీ – ఆర్మ్ రెజ్లింగ్ – కాంస్య పతకం
- బి. సౌభాగ్య, మహిళా పీసీ – జిమ్నాస్టిక్స్ ఫ్లోర్ – స్వర్ణ పతకం; ట్రెడిషనల్ యోగా – కాంస్య పతకం
- ఎ. ఉమా రాణి, మహిళా పీసీ – క్రాస్ కంట్రీ టీమ్ ఈవెంట్ – స్వర్ణ పతకం; ఖో-ఖో – కాంస్య పతకం
- జి. రజిని, మహిళా పీసీ – రిథమిక్ పేర్ యోగా – కాంస్య పతకం; ఖో-ఖో – కాంస్య పతకం
- ఎం. సంజీత, మహిళా పీసీ – ఆర్టిస్టిక్ సింగిల్ యోగా – కాంస్య పతకం
- కె. అనూష, మహిళా పీసీ – ఖో-ఖో మహిళల విభాగం – కాంస్య పతకం
- ఎల్. దివ్య, మహిళా పీసీ – ఖో-ఖో మహిళల విభాగం – కాంస్య పతకం
- బి. సౌజన్య, మహిళా పీసీ – ఖో-ఖో మహిళల విభాగం – కాంస్య పతకం
ఈ పోటీల్లో మహబూబాబాద్ జిల్లా పోలీసులు మొత్తం 6 స్వర్ణ పతకాలు, 3 రజత పతకాలు, 10 కాంస్య పతకాలు సాధించి రాష్ట్ర స్థాయిలో జిల్లా ప్రతిష్టను నిలబెట్టారు.
ఈ సందర్భంగా ఎస్పీ డా. శబరీష్ మాట్లాడుతూ, విధి నిర్వహణతో పాటు క్రీడలలో కూడా ప్రతిభ కనబరచడం పోలీస్ సిబ్బంది క్రమశిక్షణ, శారీరక మరియు మానసిక దృఢత్వానికి నిదర్శనమని తెలిపారు. భవిష్యత్తులో మరిన్ని క్రీడా పోటీల్లో పాల్గొని విజయాలు సాధించాలని విజేతలను ప్రోత్సహించారు.
ఈ కార్యక్రమంలో జిల్లా పోలీస్ అధికారులు, సిబ్బంది పాల్గొన్నారు.