ప్రజా పాలన – ప్రగతి ప్రణాళిక ‘99 రోజుల క్యాంపెయిన్’ లో భాగంగా వికారాబాద్ జిల్లా పోలీస్ శాఖ సమాజంలో సామాజిక స్పృహను పెంపొందించేందుకు ఒక వినూత్న కార్యక్రమానికి శ్రీకారం చుట్టింది. జిల్లా ఎస్పీ స్నేహ మెహ్రా, IPS గారి ఆధ్వర్యంలో “సేఫ్ యూత్ – స్ట్రాంగ్ నేషన్” (Safe Youth, Strong Nation) అనే నినాదంతో జిల్లా స్థాయి షార్ట్ ఫిల్మ్ పోటీలను నిర్వహిస్తున్నట్లు ప్రకటించారు.
ఈ పోటీల ద్వారా సైబర్ క్రైమ్స్, డిజిటల్ అరెస్ట్ మోసాలు, మహిళలు మరియు పిల్లల రక్షణ (గుడ్ టచ్ & బ్యాడ్ టచ్), మాదకద్రవ్యాల అనర్థాలు, ట్రాఫిక్ నిబంధనలపై అవగాహన, ATM దొంగతనాలు, జాబ్ ఫ్రాడ్ మరియు గిఫ్ట్ ఫ్రాడ్ నివారణ, న్యాయ విజ్ఞానం అలాగే ఆత్మహత్యల నివారణ వంటి ముఖ్య సామాజిక అంశాలపై ప్రజల్లో అవగాహన పెంపొందించడమే లక్ష్యంగా పెట్టుకున్నారు.
ఈ పోటీలు 27-04-2026 నుండి ప్రారంభమై 02-05-2026 వరకు కొనసాగుతాయి. పాల్గొనే వారు 2 నుండి 3 నిమిషాల నిడివి కలిగిన షార్ట్ ఫిల్మ్ రూపొందించాల్సి ఉంటుంది. జిల్లాలోని యువత, విద్యార్థులు, క్రియేటివ్ ఆర్టిస్టులు, కంటెంట్ క్రియేటర్లు మరియు యూట్యూబర్లు ఎవరైనా ఇందులో పాల్గొనవచ్చు.
సమర్పించే వీడియోలు కేవలం వినోదం కోసం కాకుండా, సమాజంలో బాధ్యతను పెంచే సందేశాత్మకంగా ఉండాలని నిర్వాహకులు సూచించారు. సమర్పించిన చిత్రాల నుంచి కమిటీ టాప్ 5 ఉత్తమ షార్ట్ ఫిల్మ్స్ను ఎంపిక చేస్తుంది. ఎంపికైన విజేతలకు జిల్లా పోలీస్ శాఖ ద్వారా నగదు బహుమతులు మరియు ప్రశంసా పత్రాలు అందించబడతాయి. అలాగే వాటి పబ్లిక్ స్క్రీనింగ్ కూడా నిర్వహించబడుతుంది.
పాల్గొనదలిచిన వారు తమ పేరు, ఫోన్ నంబర్ మరియు వీడియో టైటిల్తో కలిసి వాట్సాప్ ద్వారా 9948542227 నంబర్కు పంపించాల్సి ఉంటుంది. మరిన్ని వివరాల కోసం SB ఇన్స్పెక్టర్ నవీన్ కుమార్ గారిని 8712670020 నంబర్లో సంప్రదించవచ్చు.
ఈ సందర్భంగా ఎస్పీ స్నేహ మెహ్రా మాట్లాడుతూ, కెమెరా ద్వారా సమాజంలో సానుకూల మార్పు తీసుకురావడానికి ఇది గొప్ప వేదిక అని, యువత ఈ అవకాశాన్ని సద్వినియోగం చేసుకోవాలని జిల్లా పోలీస్ శాఖ కోరుతోందని తెలిపారు.