ఆపరేషన్ స్మైల్ – XII పోస్టర్ ను ఆవిష్కరించిన మహబూబాబాద్ జిల్లా ఎస్పీ డా. శబరీష్..
బాల కార్మిక నిర్మూలనకు సమిష్టి చర్యలు
మహబూబాబాద్ జిల్లాలో బాలల భవిష్యత్తును కాపాడే దిశగా “ఆపరేషన్ స్మైల్ – XII” కార్యక్రమా పోస్టర్ ను జిల్లా ఎస్పీ అధికారికంగా ఆవిష్కరించారు.
ఈ కార్యక్రమం ద్వారా బాల కార్మిక వ్యవస్థను పూర్తిగా నిర్మూలించడం, పిల్లల రక్షణ, పునరావాసం మరియు వారి హక్కుల పరిరక్షణే ప్రధాన లక్ష్యంగా ముందుకు సాగనున్నట్లు ఎస్పీ తెలిపారు.
జనవరి 1 నుండి 31, 2026 వరకు నిర్వహించనున్న ఈ ప్రత్యేక కార్యక్రమంలో
పోలీసు శాఖ, మహిళా శిశు సంక్షేమ శాఖ, కార్మిక శాఖ, విద్యాశాఖ, ఆరోగ్య శాఖ, చైల్డ్ లైన్ (1098), జిల్లా న్యాయ సేవాధికార సంస్థ, యాంటీ హ్యూమన్ ట్రాఫికింగ్ యూనిట్ (AHTU), షీ టీమ్స్, భరోసా కేంద్రం, చైల్డ్ వెల్ఫేర్ కమిటీ (CWC) తదితర విభాగాలు సమన్వయంతో పనిచేయనున్నాయి.
ఈ సందర్భంగా ఎస్పీ మాట్లాడుతూ,
“ప్రతి బాలుడు గౌరవంగా జీవించే హక్కు కలిగి ఉన్నాడు. బాలల చిరునవ్వును కాపాడటమే ఆపరేషన్ స్మైల్ యొక్క ప్రధాన లక్ష్యం. బాల కార్మిక వ్యవస్థపై రాజీ పడేది లేదు” అని స్పష్టం చేశారు.
ఈ కార్యక్రమ లక్ష్యాలు బాల కార్మికులను గుర్తించి రక్షించడం,బాధిత పిల్లలకు పునరావాసం కల్పించి విద్యలో చేర్చడం,బాలలపై జరిగే అక్రమ రవాణా, దోపిడీ, దౌర్జన్యాలను అరికట్టడం,
ప్రజల్లో అవగాహన పెంపొందించడం
ప్రజలు ఎవరైనా బాల కార్మికులు లేదా పిల్లలపై జరుగుతున్న అక్రమాలను గమనిస్తే వెంటనే చైల్డ్ హెల్ప్లైన్ 1098 లేదా డయల్ 112 కు సమాచారం ఇవ్వాలని జిల్లా ఎస్పీ విజ్ఞప్తి చేశారు.