హైదరాబాద్లో గణేశ్ నిమజ్జనోత్సవాలు ప్రశాంతంగా ముగియడంతో పోలీసులు సంబరాలు చేసుకున్నారు. సెక్రటేరియట్ వద్ద తెలంగాణ తల్లి ఫ్లైఓవర్ కింద విధులు ముగిసిన అనంతరం హైదరాబాద్ సీపీ వీసీ సజ్జనార్తో పాటు డీసీపీలు, సీఐలు, ఇతర పోలీసు సిబ్బంది డప్పు చప్పుళ్లకు ఉత్సాహంగా నృత్యం చేశారు.
గణేశ్ నిమజ్జనోత్సవాల సందర్భంగా రోజుల తరబడి నిద్రను సైతం లెక్కచేయకుండా పోలీసులు బందోబస్తు విధులు నిర్వహించారు. ఉత్సవాలు ఎలాంటి అవాంఛనీయ ఘటనలు లేకుండా ప్రశాంతంగా ముగియడంతో విధుల్లో ఉన్న పోలీసులు కాస్త రిలాక్స్ అయ్యారు. ఈ సందర్భంగా సీపీ సజ్జనార్తో కలిసి పోలీసులు ఉత్సాహంగా వేసిన తీన్మార్ స్టెప్పులు ఆకట్టుకున్నాయి.
పోలీసుల డాన్స్కు సంబంధించిన వీడియోలు ప్రస్తుతం సోషల్ మీడియాలో వైరల్గా మారాయి.