• అవినీతి నిరోధక శాఖ వారోత్సవాలలో భాగంగా జిల్లా ఎస్పీ గారి చేతుల మీదుగా పోస్టర్ ఆవిష్కరణ..
• అవినీతిని నిర్మూలించడానికి, పోలీసులతో కలిసి నడవండి.. అవినీతి నిరోధక శాఖ టోల్–ఫ్రీ నంబర్ 1064 సమాచారం అందించండి.. జిల్లా ఎస్పీ పరితోష్ పంకజ్ ఐపిఎస్
ఈ సందర్భంగా ఎస్పీ మాట్లాడుతూ ప్రభుత్వ వ్యవస్థలో పారదర్శకత, బాధ్యతాయుతమైన సేవలందించడం ప్రధాన లక్ష్యమని అన్నారు. ప్రజలు ఎటువంటి భయం లేకుండా అవినీతి ఘటనలను తెలియజేయాలని సూచించారు.
జిల్లా లో ఏ ప్రభుత్వ ఉద్యోగి లంచం అడిగినట్లు, డిమాండ్ చేసినట్లు, లేదా అనుమానాస్పద ప్రవర్తన కనబడినట్లు తెలిసిన వెంటనే అవినీతి నిరోధక శాఖ టోల్–ఫ్రీ నంబర్ 1064 కు సమాచారం అందించాలని పౌరులకు విజ్ఞప్తి చేశారు.
అవినీతిని అరికట్టడంలో ప్రజల సహకారం ఎంతో కీలకమని, ప్రతి ఫిర్యాదును గోప్యంగా పరిశీలించి తగిన చర్యలు తీసుకోవడం జరుగుతుందని అన్నారు.
ఈ కార్యక్రమంలో అదనపు ఎస్పీ రఘునందన్ రావ్, ఏసీబీ డిఎస్పీ కె. సుదర్శన్, ఇన్స్పెక్టర్ ఎ. వెంకటేశ్వర్లు తదితరులు ఉన్నారు.
