• పరిశ్రమల్లో అగ్నిప్రమాదాల నివారణ, అత్యవసర పరిస్థితుల్లో రక్షణ చర్యలపై అవగాహనకై పాశమైలారం పారిశ్రామిక వాడలోని అపియోరియా ఫార్మా యూనిట్-V ప్రైవేట్ లిమిటెడ్ లో “మాక్ డ్రిల్”
• సంగారెడ్డి జిల్లా పోలీసు శాఖ, రెవెన్యూ శాఖ, ఎన్డీఆర్ఎఫ్ (జాతీయ విపత్తు నిర్వహణ బృందం), శాఖల సమన్వయంతో మాక్ డ్రిల్ నిర్వహణ జిల్లా ఎస్పీ పరితోష్ పంకజ్ ఐపిఎస్.
ఈ సందర్భంగా జిల్లా ఎస్పీ మాట్లాడుతూ.జిల్లా పోలీసు శాఖ, రెవెన్యూ శాఖ, ఎన్డీఆర్ఎఫ్ శాఖల సమన్వయంతో అపియోరియా ఫార్మా కంపెనీలో మాక్ డ్రిల్ నిర్వహించడం జరిగిందని, పరిశ్రమల్లో అగ్నిప్రమాదాలు సంభవించినప్పుడు తీసుకోవలసిన తక్షణ చర్యలు, సిబ్బంది సురక్షితంగా బయటపడే మార్గాలు, రక్షణ బృందాల సమన్వయం వంటి అంశాలపై జాతీయ విపత్తు నిర్వహణ బృందం ద్వారా ప్రాక్టికల్ డెమోన్స్ట్రేషన్ నిర్వహించడం జరిగిందన్నారు. పరిశ్రమల్లో అగ్నిప్రమాదాల నివారణకు ప్రతి ఉద్యోగి సేఫ్టీ నియమాలను పాటించడం అత్యంత కీలకం అన్నారు. వివిధ శాఖల సమన్వయంతో ఈ మాక్ డ్రిల్ విజయవంతంగా నిర్వహించడం జరిగిందని అన్నారు. ఈ కార్యక్రమంలో రెవెన్యూ, ఎన్డీఆర్ఎఫ్, ఫైర్ అధికారులు, పటాన్ చెర్వు డిఎస్పీ ప్రభాకర్, ఎ.ఆర్ డిఎస్పీ నరేందర్ ఇన్స్పెక్టర్ విజయ్ కృష్ణ, లాలునాయక్, పరిశ్రమల శాఖ అధికారులు, సంస్థ ప్రతినిధులు పాల్గొన్నారు.
