ఈస్ట్ జోన్ డీసీపీ కార్యాలయం, అంబర్పేటలో, డి.జి. మరియు కమిషనర్ ఆఫ్ పోలీస్, హైదరాబాదు సి.వి. ఆనంద్ ఐపీఎస్ గణేష్ నిమజ్జన బందోబస్తుపై ఈస్ట్ జోన్ మరియు సౌత్ ఈస్ట్ జోన్ అధికారులతో సమీక్షా సమావేశం నిర్వహించారు. ఈ సమావేశంలో గణేష్ ఉత్సవాల సందర్భంగా శాంతిభద్రతల పరిరక్షణకు, నిమజ్జనం సాఫీగా సాగేందుకు తీసుకోవాల్సిన భద్రతా చర్యలపై కమిషనర్ అధికారులకు దిశానిర్దేశం చేశారు. ఈ సమావేశంలో సి.వి. ఆనంద్ ఐపీఎస్ మాట్లాడుతూ, భద్రతకు అత్యధిక ప్రాధాన్యత ఇస్తూ నిమజ్జనం సందర్భంగా ఎలాంటి అవాంఛనీయ సంఘటనలు జరుగకుండా చూడాలని సూచించారు. విగ్రహాల వద్ద ఉన్న లడ్డూల దొంగతనం వంటి మరియు ఇతర నేరాలను నివారించడానికి స్థానిక పోలీసులు, వాలంటీర్లు నిరంతరం నిఘా ఉంచాలి. సమస్యలు సృష్టించే వ్యక్తులు, రౌడీ షీటర్ల కదలికలపై ప్రత్యేక నిఘా ఏర్పాటు చేయాలని, రాచకొండ కమిషనరేట్ల వంటి పొరుగు ప్రాంతాల నుండి వచ్చే విగ్రహాల వాహనాలకు సరైన పోలీసు ఎస్కార్ట్ ఉండేలా చూడాలని తెలిపారు. రాత్రిపూట విగ్రహాల వద్ద నిర్వాహకులు లేదా వాలంటీర్లు తప్పనిసరిగా ఉండేలా చూసుకోవాలని సూచించారు. గణేష్ విగ్రహాల నిమజ్జనం సమయంలో జరిగే లోటుపాట్ల గురించి కూడా చర్చించారు. గణేష్ విగ్రహాలను త్వరగా నిమజ్జనం చేసేందుకు అవసరమైన కార్యాచరణ ప్రణాళికపై చర్చించి, కమిషనర్ అధికారులకు తగు సూచనలు ఇచ్చారు. ఈ సమీక్షా సమావేశంలో బి.బాలస్వామి ఐపీఎస్ (డీసీపీ, ఈస్ట్ జోన్), శ్రీమతి కె. అపూర్వ రావు ఐపీఎస్ (డీసీపీ, ఎస్.బి), ఎస్.చైతన్య కుమార్ (డీసీపీ, సౌత్ ఈస్ట్ జోన్), నర్సయ్య (అదనపు డీసీపీ)ఈస్ట్ జోన్, అందె.శ్రీనివాస రావు, టాస్క్ ఫోర్స్ అడిషినల్ డిసిపి, శ్రీకాంత్ (అదనపు డీసీపీ, సౌత్ ఈస్ట్ జోన్) , రెండు జోన్ల పరిధిలోని అన్ని పోలీస్ స్టేషన్ల అధికారులు మరియు ఇతర అధికారులు పాల్గొన్నారు.
