దుర్గాష్టమి పర్వదినాన్ని పురస్కరించుకుని సంగారెడ్డి జిల్లా పోలీసు ఆయుధాగారం, మోటర్ వెహికిల్ సెక్షన్‌లలో జిల్లా ఎస్పీ పరితోష్ పంకజ్, ఐపీఎస్., ఆయుధ పూజ నిర్వహించారు. దసరా పండుగ సందర్భంగా సంప్రదాయబద్ధంగా నిర్వహించిన ఈ కార్యక్రమంలో పోలీసు శాఖ విధుల్లో వినియోగించే ఆయుధాలకు ప్రత్యేక పూజలు చేశారు.
ఈ సందర్భంగా ఎస్పీ పరితోష్ పంకజ్ మాట్లాడుతూ, ప్రజల శాంతిభద్రతల పరిరక్షణతో పాటు వారి ప్రాణ, ఆస్తుల రక్షణకు పోలీసు శాఖ నిరంతరం కట్టుబడి ఉంటుందని తెలిపారు. పోలీసు విధుల్లో ఆయుధాలు కీలక పాత్ర పోషిస్తాయని పేర్కొన్నారు. ప్రజలకు మరింత మెరుగైన సేవలు అందించడంతో పాటు శాంతిభద్రతల పరిరక్షణలో పోలీసు సిబ్బంది అంకితభావంతో పనిచేయాలని సూచించారు.
ఈ కార్యక్రమంలో అదనపు ఎస్పీ చైతన్య రెడ్డి, ఐపీఎస్., డీఎస్పీ సత్యయ్య గౌడ్, ఏఆర్ డీఎస్పీ నరేందర్, ఆర్‌ఐలు సురేష్ నాయక్, రాజశేఖర్ రెడ్డి, టౌన్ సీఐ రాము నాయుడు, ఇతర పోలీసు అధికారులు, ఆయుధాగార సిబ్బంది పాల్గొన్నారు.