వర్షా కాల నేపథ్యంలో పట్టణ ప్రజలకు ట్రాఫిక్ ఇబ్బందులు కలగకుండా ట్రాఫిక్ పోలీసులు సమర్ధవంతంగా విధులు నిర్వహించాలి. జిల్లా ఎస్పీ శరత్ చంద్ర పవార్ ఐపీఎస్.,వర్షాకాల ప్రారంభ నేపధ్యంలో ట్రాఫిక్ పోలీసులకు రెయిన్ కోట్స్, జంగిల్ షూస్, గొడుగులు, రేడియం రిఫ్లెక్టివ్ జాకెట్స్, కండ్ల అద్దాలు, బాడీవర్న్ కెమెరాలు అందజేసిన జిల్లా ఎస్పీ,హోం గార్డ్ సంక్షేమ నిధి నుండి పలువురు హోం గార్డ్స్ కి ఆర్దిక చేయూత వర్షా కాల నేపథ్యంలో పట్టణ ప్రజలకు ట్రాఫిక్ సమస్యలు తలెత్తకుండా ట్రాఫిక్ పోలీసులు సమర్ధవంతంగా విధులు నిర్వహించాలని జిల్లా ఎస్పీ అన్నారు. వర్షాకాలం ప్రారంభం నేపధ్యంలో ట్రాఫిక్ పోలీసులు తమ విధి నిర్వహణలో ఇబ్బందులు కలగకుండా ట్రాఫిక్ సిబ్బందికి రెయిన్ కోట్స్,కండ్ల అద్దాలు,రేడియం రిఫ్లెక్టివ్ జాకెట్స్ , గొడుగులు,బూట్లను సిబ్బందికి అందజేస్తూ కొన్ని సూచనలు చేశారు. పట్టణ ప్రజలకు ట్రాఫిక్ సమస్యలు తలెత్తకుండా సమర్థవంతంగా విధులు నిర్వహించాలని అన్నారు. ట్రాఫిక్ పోలీసులు విజిబుల్ పోలీసింగ్ లో ప్రధాన పాత్ర పోషిస్తారని ప్రజలతో మర్యాదపూర్వకంగా వ్యవహరిస్తూ విధులు నిర్వర్తించాలని అప్పుడే ప్రజల్లో పోలీసుల పట్ల గౌరవం లభిస్తుందని సూచించారు. ప్రజల భద్రత లో భాగంగా వారు రోడ్ ప్రమాదాలు జరగకుండా రోడ్డు భద్రతా,ట్రాఫిక్ రూల్స్ పైన ప్రజల్లో అవగాహన కల్పిస్తూ ట్రాఫిక్ రెగ్యులేట్ చేయాలని అన్నారు. తమకి అప్పగించిన ట్రాఫిక్ పాయింట్ వద్ద డ్యూటీ టైమ్ లో ఎల్లప్పుడూ అందుబాటులో ఉంటూ ట్రాఫిక్ ను నియంత్రించాలని అన్నారు. వర్షకాలం నేపథ్యంలో ట్రాఫిక్ నియంత్రణలో, రాత్రిపూట విధుల్లో మరియు బందోబస్తు వంటి విధులను నిర్వహించుటకు ట్రాఫిక్ కిట్స్ సహాయపడుతాయి అన్నారు.
