జిల్లా పోలీస్ హెడ్‌క్వార్టర్స్‌లోని ఆర్మ్డ్ రిజర్వ్ (ఆర్‌ఐ) స్టోర్స్ విభాగాన్ని జిల్లా ఎస్పీ మహేష్ బి. గితే శుక్రవారం ఆకస్మికంగా తనిఖీ చేశారు. ఈ సందర్భంగా స్టోర్స్ నిర్వహణ, రికార్డుల నిర్వహణ విధానాలను పరిశీలించి అధికారులకు పలు సూచనలు చేశారు.
తనిఖీలో భాగంగా పోలీసు శాఖకు సంబంధించిన సామగ్రి నిల్వలు, వాటి సంరక్షణ, పోలీస్ స్టేషన్లకు పంపిణీ విధానాన్ని పరిశీలించారు. స్టోర్స్‌లోని వస్తువుల వివరాలను ఎప్పటికప్పుడు నవీకరిస్తూ రికార్డులను క్రమబద్ధంగా నిర్వహించాలని సూచించారు.
అవసరమైన సామగ్రి ఎల్లప్పుడూ అందుబాటులో ఉండేలా ముందస్తు చర్యలు తీసుకోవాలని, స్టోర్స్ కార్యాలయ పరిసరాల్లో పరిశుభ్రతకు ప్రాధాన్యం ఇవ్వాలని ఎస్పీ ఆదేశించారు. అలాగే రికార్డులను సక్రమంగా నిర్వహిస్తూ, స్టోర్స్ నిర్వహణలో ఎలాంటి నిర్లక్ష్యానికి తావు లేకుండా బాధ్యతాయుతంగా విధులు నిర్వహించాలని అధికారులకు సూచించారు.