దారుసలాంలో 45 రోజుల ట్రాఫిక్ మళ్లింపులు

ఆర్‌సీసీ డ్రైన్ నిర్మాణ పనులతో కీలక మార్గాల్లో డైవర్షన్లు

హైదరాబాద్ దారుసలాం ప్రాంతంలో ఆర్‌సీసీ బాక్స్ డ్రైన్ నిర్మాణ పనుల నేపథ్యంలో ట్రాఫిక్ పోలీసులు కీలక మళ్లింపులు ప్రకటించారు. ఎస్‌బీఐ బ్యాంక్ నుండి చాకన్వాడి కల్వర్టు వరకు చేపట్టనున్న ఈ పనులు మే 13, 2026 నుండి ప్రారంభమై 45 రోజుల పాటు కొనసాగనున్నాయి.

ట్రాఫిక్ రద్దీని తగ్గించేందుకు 24 గంటల పాటు ప్రత్యేక డైవర్షన్లు అమలు చేయనున్నట్లు ట్రాఫిక్ పోలీసులు వెల్లడించారు.

ట్రాఫిక్ మళ్లింపులు:

• మల్లేపల్లి, భోయిగూడ కమాన్, అఘాపురా ప్రాంతాల నుంచి అలాస్కా టీ జంక్షన్ వైపు వెళ్లే వాహనాలను దారుసలాం వద్ద ఏక్-మినార్ వైపు మళ్లిస్తారు.

• అలాస్కా జంక్షన్ నుంచి దారుసలాం వైపు వచ్చే ట్రాఫిక్‌ను కలకత్తా స్వీట్ హౌస్ వద్ద చాకన్వాడి బై-లేన్స్ వైపు మళ్లించనున్నారు.

మహిళ మెడలో గొలుసు లాక్కెళ్లిన నిందితుడికి 5 ఏళ్ల జైలు శిక్ష.. రూ.25 వేల జరిమానా విధించిన కోర్టు

వాహనదారులు ప్రత్యామ్నాయ మార్గాలను వినియోగించి ట్రాఫిక్ పోలీసులకు సహకరించాలని అధికారులు కోరారు.

ట్రాఫిక్ అప్‌డేట్స్ కోసం హైదరాబాద్ ట్రాఫిక్ పోలీస్ అధికారిక ఫేస్‌బుక్ పేజీ, ట్విట్టర్/X హ్యాండిల్‌ను అనుసరించాలని సూచించారు. అత్యవసర సహాయం కోసం ట్రాఫిక్ హెల్ప్‌లైన్ నంబర్ 9010203626 ను సంప్రదించవచ్చని తెలిపారు.

ఈ మేరకు జాయింట్ పోలీస్ కమిషనర్ ట్రాఫిక్ డి. జోయల్ డేవిస్ ప్రకటన విడుదల చేశారు.