ఆన్యువల్ ఫైరింగ్ ప్రాక్టీస్‌లో భాగంగా సంగారెడ్డి జిల్లా పోలీసు అధికారులు విధి నిర్వహణలో నైపుణ్యతను మరింత మెరుగుపరుచుకునేందుకు ఫైర్ నైపుణ్యతపై ప్రత్యేక శిక్షణ కార్యక్రమాన్ని సంగారెడ్డి జిల్లా ఫైరింగ్ రేంజ్‌లో నిర్వహించినట్లు జిల్లా ఎస్పీ పరితోష్ పంకజ్, ఐపిఎస్ తెలిపారు. ఈ సందర్భంగా జిల్లా ఎస్పీ మాట్లాడుతూ, పోలీసు అధికారులు ఆయుధాల వినియోగంలో నైపుణ్యతను పెంపొందించుకోవడం అత్యంత అవసరమని పేర్కొన్నారు. అత్యవసర పరిస్థితుల్లో సమర్థంగా స్పందించేందుకు ఫైరింగ్ ప్రాక్టీస్ ఎంతో ఉపయోగకరమని తెలిపారు. ఈ శిక్షణలో జిల్లా పోలీసు అధికారులు అందరూ పాల్గొని, ఆయుధ వినియోగంపై ప్రాక్టికల్ అవగాహన పొందారు. పోలీసులు నిరంతరం శిక్షణ ద్వారా తమ నైపుణ్యాలను మెరుగుపరుచుకుంటూ ప్రజల భద్రత కోసం కట్టుబడి పనిచేయాలని ఎస్పీ జిల్లా పోలీసు అధికారులకు సూచించారు.
