• ఆరోగ్య పరిరక్షణలో భాగంగా వీక్లీ పెరేడ్.., పోలీస్ శాఖలో ఫిజికల్ ఫిట్నెస్ కీలకం..
• ప్రతి రోజు వ్యాయామం చేస్తూ ఫిజికల్ ఫిట్నెస్ కాపాడుకోవాలి..
• క్రమశిక్షణతో విధులు నిర్వహించి పోలీసు శాఖకు మంచి పేరు తీసుకురావాలి..:
జిల్లా ఎస్పీ పరితోష్ పంకజ్ ఐపిఎస్.
సంగారెడ్డి జిల్లా సురక్ష ప్రతినిధి: జిల్లా ఎస్పీ శ్రీ పరితోష్ పంకజ్ ఐపిఎస్ గారి ఆదేశానుసారం ఈ రోజు తేది: 10.01.2026 నాడు, ఆర్మూడ్ రిజర్వ్ పోలీసులకు ఆర్ఐ రాజశేఖర్ రెడ్డి ఆధ్వర్యంలో జిల్లా పోలీసు పరేడ్ గ్రౌండ్స్ నందు వీక్లీ పరేడ్ నిర్వహించడం జరిగింది. ఈ సందర్భంగా ఎస్పీ ఒక ప్రకటనలో మాట్లాడుతూ.. పోలీస్ శాఖలో ఫిజికల్ ఫిట్నెస్ చాలా ముఖ్యం అని, శారీరకంగా, మానసికంగా ఫిట్ గా ఉన్నప్పుడే ఎలాంటి పరిస్థితులలోనైనా సమర్ధవంతంగా విధులను నిర్వర్తించగలం అన్నారు. ప్రతి రోజు యోగా, వ్యాయామం చేస్తూ.. ఫిజికల్ ఫిట్ నెస్ ను కాపాడుకోవాలని అధికారులకు సూచించడం జరిగింది.
జిల్లా పోలీసు అధికారులు, సిబ్బంది విధి నిర్వహణలో అంకిత భావంతో పని చేయాలని, సిబ్బందికి, వ్యక్తిగత సమస్యలు ఉన్న, డ్యూటీ పరంగా ఎలాంటి సమస్య ఉన్న, అధికారుల దృష్టికి తీసుకురావలని అన్నారు. చెడు వ్యసనాలకు, చెడు స్నేహాలకు అలవాటు పడి, విధులలో నిర్లక్ష్యం వహించి, పోలీస్ శాఖ ప్రతిష్టకు భంగం కలిగించే విధంగా ప్రవర్తిస్తే, సహించేది లేదని శాఖ పరమైన చర్యలుంటాయని హెచ్చరించారు. .
ఈ వీక్లీ పరేడ్ లో ఆర్.ఐ.లు రాజశేఖర్ రెడ్డి, ఆర్.ఎస్ఐ లు డ్రిల్ ఇన్స్ట్రుక్టర్స్ సిబ్బంది తదితరులు ఉన్నారు.
