రాజేంద్రనగర్, హైదరాబాద్ | 28.09.2026
రాజేంద్రనగర్ పోలీసు స్టేషన్లో నమోదైన క్రైమ్ నెం. 1125/2026, సెక్షన్ 103(1), 61 r/w 3(5) BNS కేసుకు సంబంధించి రాజేంద్రనగర్ పోలీసులు ముగ్గురు నిందితులను అరెస్ట్ చేశారు.
ఈ ఘటన 24.09.2026 వ తేదీన సాయంత్రం సుమారు 5:36 గంటలకు రాజేంద్రనగర్ పరిధిలోని ఉప్పర్పల్లి, పిల్లర్ నెం. 185 సమీపంలోని హ్యాపీ హోమ్స్, టవర్ నెం. 4 ఎదురుగా ఉన్న షామ్స్ టెయిలర్ షాప్ దగ్గర చోటుచేసుకుంది.
మృతుడు మొహమ్మద్ నసీరుద్దీన్ అహ్మద్ ఖాన్ అలియాస్ వసీమ్ (34) పై గతంలో ఉన్న పాత కక్షల కారణంగా నిందితులు కత్తితో మరియు ఇతర వస్తువులతో దాడి చేశారు. ఈ దాడిని అడ్డుబోయిన మరొక వ్యక్తికి కూడా గాయాలయ్యాయి. గాయపడిన బాధితుడిని చికిత్స నిమిత్తం ఆసుపత్రికి తరలించగా, అప్పటికే ఆయన మృతి చెందినట్లు వైద్యులు ధృవీకరించారు.
దర్యాప్తులో భాగంగా పోలీసులు 28.09.2026 వ తేదీన ఈ క్రింది ముగ్గురు నిందితులను అదుపులోకి తీసుకున్నారు:
- మొహమ్మద్ ఇలియాస్ (28), (01 కేసులో ప్రమేయం గలదు).
- మొహమ్మద్ షోయబ్ అలియాస్ సోహెబ్ (22), (05 కేసులలో ప్రమేయం గలదు).
- షేక్ సుల్తాన్ (23).
దర్యాప్తు సమయంలో నిందితుల నుండి నేరానికి ఉపయోగించిన కత్తి, మెటల్ నకిల్, ద్విచక్ర వాహనం, మొబైల్ ఫోన్ మరియు రక్తపు మరకలున్న దుస్తులను పోలీసులు స్వాధీనం చేసుకున్నారు.
పాత కక్షల కారణంగానే నిందితులు పథకం ప్రకారమే ఈ హత్యకు పాల్పడినట్లు విచారణలో తేలింది. నిందితులను అరెస్ట్ చేసి, న్యాయపరమైన రిమాండ్ నిమిత్తం గౌరవనీయ కోర్టు ముందు హాజరుపరుస్తున్నారు. ఈ కేసుకు సంబంధించి తదుపరి దర్యాప్తు కొనసాగుతోంది
(శ్రీ టి. శ్రీనివాస్)
అసిస్టెంట్ కమిషనర్ ఆఫ్ పోలీస్
రాజేంద్రనగర్ డివిజన్, హైదరాబాద్.
news for website